Mhe, Amos Makalla, Katibu wa Itikadi, Uenezi na Mafunzo wa Chama cha Mapinduzi (CCM), ametoa taarifa muhimu baada ya kuwasili Jijini Dodoma kwa mara ya kwanza tangu achaguliwe kwenye nafasi hiyo. Akizungumza na wananchi Makalla ameeleza kuwa yuko tayari kushiriki katika mdahalo wowote au kuhami Chama chake na Serikali yake, na ameahidi kujibu hoja kwa hoja badala ya kutumia vihoja.
Makalla pia amefichua kuwa yeye na Katibu Mkuu wa CCM, Dr. Emmanuel Nchimbi, wataanza ziara ya mikoa sita nchini Tanzania. Ziara hiyo itaanza Jumamosi, tarehe 13 Aprili 2024, na itajumuisha mikoa ya Katavi, Rukwa, Songwe, Mbeya, Njombe, na Ruvuma. Lengo kuu la ziara hiyo ni kuimarisha msingi wa Chama, kujenga uhusiano na tawi la chama katika mikoa hiyo, na kubadilishana uzoefu na kuimarisha chama.
Aidha, Makalla ameeleza malengo mengine matatu ya ziara hiyo. Lengo la pili ni kuandaa maandalizi ya uchaguzi wa serikali za mitaa na uchaguzi mkuu wa mwaka ujao. Wanataka kuhakikisha umma unajitayarisha na kuelewa umuhimu wa kupiga kura, kujiandikisha, na kuandaa maandalizi ya ushindi wa Rais Samia Suluhu Hassan, wabunge, na madiwani.
Lengo la tatu la ziara hiyo ni kukagua utekelezaji wa ilani ya CCM. Makalla amesisitiza kuwa serikali ya awamu ya sita imefanya mambo mengi, lakini wanahitaji kutangaza mafanikio hayo na kujifunza zaidi kuhusu utendaji wa Serikali ya CCM.
Lengo la nne ni kusikiliza kero za wananchi na kuzitafutia ufumbuzi. Makalla amesisitiza umuhimu wa wananchi kutoa maoni yao na kuwasilisha malalamiko yao kwa serikali. Wananchi wanaamini katika Chama cha Mapinduzi na watafika katika ofisi za CCM kutoa maoni yao na kutafuta ufumbuzi wa kero zao. Makalla ameahidi kwamba watajitahidi kutatua kero hizo, na siyo tu katika mikoa sita ya ziara yao, bali pia katika maeneo mengine ya nchi.
Makalla ameongeza kuwa kazi hizi nne zinawapa imani kuwa CCM itapata ushindi mkubwa. Ameeleza kuwa CCM inaamini kuwa kupitia utendaji wake na serikali ya chama hicho, wananchi wana imani ya kushindwa, na Tume ya Uchaguzi ipo kuhakikisha ushindi unapatikana kwa haki. Amewaomba wananchi kujitokeza kwa wingi na kuahidi kuwa CCM itawaletea wagombea bora kuanzia ngazi ya serikali za mitaa hadi uchaguzi mkuu.